Friday, January 15, 2010

ಸುಂದರ ಗ್ರಹಣ!

ಈ ಸಲ ಗ್ರಹಣವನ್ನು ನೋಡಲೇಬೇಕೆಂದು ನಿರ್ಧರಿಸಿದ್ದಕ್ಕೂ ಸಾರ್ಥಕವಾಯಿತು. ಸಪ್ನ ಬುಕ್ ಹೌಸಿಗೆ ಒಂದು ಥ್ಯಾಂಕ್ಸ್ ಕೂಡ ಹೇಳಬೇಕು.

ಗ್ರಹಣದ ಫೋಟೋ ತೆಗೆಯೋದು ಹೇಗೆ ಎಂದು ಯೋಚಿಸುತ್ತಿದ್ದಾಗ ಹುಚ್ಚು ಯೋಚನೆ ಹೊಳೆಯಿತು. ಸಪ್ನ ಬುಕ್ ಹೌಸಿನ ಕನ್ನಡಕವನ್ನು ಕ್ಯಾಮೆರಾಗೆ ತೊಡಿಸಿ ಫೋಟೋ ತೆಗೆದೇ ಬಿಟ್ಟೆ. ಅಂಥದ್ದೇನು "ಸೂಪರ್" ಕ್ಯಾಮೆರಾ ನನ್ನದಲ್ಲದಿದ್ದರೂ ನನಗೆ ಸಂತೋಷವಾಗುವ ಮಟ್ಟಿಗೆ ಚಿತ್ರಗಳು ಬಂದವು. ಬರೀ ಟಿವಿಯಲ್ಲಿ ನೋಡಿ ಆನಂದಿಸಲಿಲ್ಲವಲ್ಲ, ನಾನೂ ಚಿತ್ರ ತೆಗೆದೆನಲ್ಲ ಎಂಬ ಏನೋ ಒಂದು ವಿಚಿತ್ರ ಖುಷಿಯಾಯಿತು. :-)

ಈ ಸಲ ನನ್ನ ರಾಶಿಗೆ ಗ್ರಹಣ ವಕ್ಕರಿಸಿತ್ತಂತೆ. ಶೇಷ ಮಹಾಗಣಪತಿ ದೇವಸ್ಥಾನದವರು ದೊಡ್ಡ ದೊಡ್ಡ ಬ್ಯಾನರುಗಳನ್ನು ಹಾಕಿದ್ದರು. ಗ್ರಹಣದ ದಯೆ, ನನಗೆ ಇನ್ನೂ ಏನೂ ಕೆಟ್ಟದ್ದು ಆಗಿಲ್ಲ. ಗ್ರಹಣವನ್ನು ನೋಡುತ್ತಲೇ ರುಚಿ ರುಚಿಯಾದ ರಸಾಯನವನ್ನೂ ಸವಿದೆ. ಗ್ರಹಣವನ್ನು ಮನೆಯವರೆಲ್ಲರೂ ಒಟ್ಟಿಗೆ ವೀಕ್ಷಿಸಿದ್ದು ಬಹಳ ಸುಂದರವಾದ ಅನುಭವವಾಗಿತ್ತು. ಒಂದಿಷ್ಟು ಚಿತ್ರಗಳು ಇಲ್ಲಿವೆ.

Grahana


ಅಂದ ಹಾಗೆ, ನಾಗೇಶ್ ಹೆಗ್ಗಡೆ ಅವರ ಪ್ರಜಾವಾಣಿಯ ಈ ಸೊಗಸಾದ ಬರಹವು ನನ್ನ ಪೂಜ್ಯ ಗುರುಗಳಾದ ಡಾ. ಹೆಚ್. ನರಸಿಂಹಯ್ಯನವರ ನೆನಪನ್ನು ತಂದುಕೊಟ್ಟಿತು.

ಒಟ್ಟಿನಲ್ಲಿ ಇದೊಂದು ಸುಂದರ ದಿನ. ಮತ್ತೆ ಸೂರ‍್ಯಗ್ರಹಣ ಬರುವವರೆಗೂ ಬದುಕಿದ್ದರೆ ಆ ಅನುಭವವನ್ನೂ ದಾಖಲಿಸುತ್ತೇನೆ! ;-)

-ಅ
15.01.2010
11 PM

3 comments:

  1. office alli naanoo x-ray sheet hinde mobile camera iTTu photo tegyakke hogidde... colleagues taDdbiTru camera lens ge anishTha baDyatte anta... :-)

    ReplyDelete
  2. chennagide pics!!!!ammange tumba ishta aaytu!!!:)

    ReplyDelete

ಒಂದಷ್ಟು ಚಿತ್ರಗಳು..