Tuesday, September 09, 2008

ಹೋದವರು ಮತ್ತೆ ಬರಲಾರರು - ೨

ಭಾರತದಲ್ಲಿ ಚೀತಾಹ್ ಹೋಗಿರುವುದರ ಬಗ್ಗೆ ಅರಿತುಕೊಂಡಿದ್ದಾಯಿತು.

ಚಿರತೆಯಂತೆಯೇ ಮಾಯವಾಗಿರುವ, ಹತವಾಗಿರುವ, ನಿರ್ಣಾಮವಾಗಿರುವ, ನಾಶವಾಗಿರುವ ಇನ್ನೂ ಅನೇಕ ಜೀವಸಂಕುಲಗಳನ್ನು ಪರಿಚಯ ಮಾಡಿಕೊಳ್ಳುವುದೇ ಈ ಸರಣಿಯ ಉದ್ದಿಶ್ಯ.

ಇವತ್ತಿನ ನಮ್ಮ ಗತಕಾಲದ ಅತಿಥಿ - ಗೇಂಡಾಮೃಗ.



ಇದೇನು, ಮೈಸೂರು ಮೃಗಾಲಯದಲ್ಲೇ ಮೊನ್‍ಮೊನ್ನೆ ನೋಡಿದ್ದೇನಲ್ಲಾ ಎಂದೆನಿಸಬಹುದು. ಅದು ಬೇರೆಯದೇ ಸಂಕುಲ. ಇಲ್ಲಿ ಹೇಳ ಹೊರಟಿರುವ ಗೇಂಡಾಮೃಗದ ಪೂರ್ಣ ಹೆಸರು ಸುಮಾತ್ರದ ಗೇಂಡಾಮೃಗ - Dicerorhinus sumatrensis. (ಕೆಲವು ಪ್ರಾಣಿಗಳನ್ನು ತಮ್ಮ ತಾಯ್ನಾಡಿನಿಂದ ಗುರುತಿಸುತ್ತೇವೆ. ಮನುಷ್ಯರನ್ನೂ ಗುರುತಿಸುವುದಿಲ್ಲವೇ, 'ಮೈಸೂರು ಅನಂತಸ್ವಾಮಿ', 'ಬಾಂಬೆ ಸಿಸ್ಟರ್ಸ್' - ಹಾಗೆ!)




ಪ್ರಾಣಿಗಳ ಹೆಸರಿನಿಂದ ಗೊಂದಲಕ್ಕೀಡಾಗುವವರು ಅದರ 'ಸಾಮಾನ್ಯ' ಹೆಸರನ್ನು ತಿಳಿದುಕೊಳ್ಳುವುದಕ್ಕಿಂತ ವೈಜ್ಞಾನಿಕ ಹೆಸರನ್ನು ಅರಿತುಕೊಂಡರೆ ಎಲ್ಲಾ ಸಮಸ್ಯೆಯೂ ಪರಿಹಾರವಾದಂತೆ. ಯಾವ ಕನ್ಫ್ಯೂಷನ್ನೂ ಇರುವುದಿಲ್ಲ. ಅದಕ್ಕಾಗಿಯೇ ಎಲ್ಲಾ ಪ್ರಾಣಿಗಳ ಪಕ್ಕದಲ್ಲಿ ಅದರ ವೈಜ್ಞಾನಿಕ ಹೆಸರನ್ನೂ ಸೊಟ್ಟಸೊಟ್ಟಗೆ (italics) ಹೆಸರಿಸುವ ಕಾನೂನಿನ ಪ್ರಕಾರ ಬರೆದಿರುತ್ತೇನೆ.

ಇದರ ಹೆಸರನ್ನು ಗಮನಿಸಿದರೆ ಅರ್ಥವಾಗುವುದಿಷ್ಟೆ. ಇದು ಇಂಡೊನೇಷಿಯಾದ ಸುಮಾತ್ರದಲ್ಲಿ ಜನಿಸಿದ ಪ್ರಾಣಿ, ಇದಕ್ಕೆ ಎರಡು ಕೊಂಬುಗಳಿವೆ (ಕೊಂಬುಗಳಿತ್ತು) ಎಂದು. ವಲಸೆ ಬಂದು ಭಾರತದಲ್ಲಿ ಯಾವುದೋ ತಾತರಾಯನ ಕಾಲದಲ್ಲಿ ನೆಲೆಸಿತ್ತು. ಸುಮಾತ್ರದ ದಟ್ಟ ಅರಣ್ಯ ಶ್ರೇಣಿ ಎತ್ತೆತ್ತ ಹರಡಿತ್ತೋ ಅಲ್ಲೆಲ್ಲಾ ಪ್ರಯಾಣ ಬೆಳೆಸಿ ಬೀಡು ಬಿಟ್ಟಿತ್ತು. ಮಲೇಷಿಯಾ, ಥಾಯ್ಲೆಂಡ್, ವಿಯಟ್ನಮ್, ಕಾಂಬೋಡಿಯಾ, ಮಯನ್ಮಾರ್, ಬಾಂಗ್ಲಾದೇಶ, ಮತ್ತು ನಮ್ಮ ಅಸ್ಸಾಮ್. (ಅಸ್ಸಾಮ್ ಎಂಬುದನ್ನು ಅಸ್ಸಾಮಿಗಳು ಅಹೋಮ್ ಎಂದು ಉಚ್ಚರಿಸುತ್ತಾರೆ). ಆನೆಗಳಂತೆ ಇದು ದೊಡ್ಡ ಅಲೆಮಾರಿ.




ಎರಡು ಕೊಂಬುಗಳಿರುವ ಗೇಂಡಾಮೃಗವು ಆಫ್ರಿಕಾದಲ್ಲಿ ಸಾಮಾನ್ಯವಾಗಿದ್ದರೂ ಏಶಿಯಾದಲ್ಲಿ ಅಪರೂಪವಾಗಿತ್ತು. ಸಂಪೂರ್ಣವಾಗಿ ಸತ್ತು ಹೋಗಿತ್ತೆಂದು ನಂಬಿದ್ದೆವು. ಅವಸಾನವಾಗಿದೆಯೆಂದು ನಂಬಿದ ನಲವತ್ತು ವರ್ಷದ ನಂತರ, ಎಂಭತ್ತೇಳರಲ್ಲಿ, ಮಲೇಷಿಯಾದಲ್ಲಿ ಕಾಣಿಸಿಕೊಂಡಿತು. ಈಗ ಅಲ್ಲಿ ಇನ್ನೂರೈವತ್ತು ಗೇಂಡಾಮೃಗಗಳಿವೆಯೆನ್ನುತ್ತಾರೆ. ಆದರೆ ಈ ಸಂಕುಲವೇ ಬೇರೆ. ಇದರ ಹೆಸರು - Dicerorhinus sumatrensis sumatrensis . ಬಾರ್ನಿಯಾದಲ್ಲಿ ಹಿಂದೆ ರಾಜ್ಯವನ್ನಾಳುವ ಅರಸನಂತೆ ಮೆರೆದ ಗೇಂಡಾಮೃಗಗಳು ಈಗ ಕೇವಲ ಐವತ್ತಿವೆ ಅಷ್ಟೆ. ಇದು ಇನ್ನೊಂದು ಸಂಕುಲ. ಇದರ ಹೆಸರೇ ಬೇರೆ. Dicerorhinus sumatrensis harrissoni.



ಆದರೆ ದುರಂತದ ಕಥೆಯೆಂದರೆ ಅಂದು ಭಾರತದ ಅಸ್ಸಾಮಿನ ಅರಣ್ಯಗಳಲ್ಲಿ ಹೇರಳವಾಗಿದ್ದ ಗೇಂಡಾಮೃಗಗಳ ಸಂಖ್ಯೆ ಇಂದು ಶೂನ್ಯವಾಗಿಬಿಟ್ಟಿದೆ.

ಒಂದು ಕುತೂಹಲ ಮಾಹಿತಿಯಷ್ಟೆ: ಗೇಂಡಾಮೃಗದ ಕೊಂಬು ವಾಸ್ತವವಾಗಿ ಕೊಂಬಲ್ಲ. ಅದು ಕೂದಲು, ಉಗುರುಗಳಲ್ಲಿರುವ ಕೆರಾಟಿನ್ ಎಂಬ ವಸ್ತುವಷ್ಟೆ.

-ಅ
09.09.2008
8.15PM

4 comments:

  1. ಗೇಂಡಾಮೃಗದ ಕೊಂಬು ವಾಸ್ತವವಾಗಿ ಕೊಂಬಲ್ಲ. ಅದು ಕೂದಲು, ಉಗುರುಗಳಲ್ಲಿರುವ ಕೆರಾಟಿನ್ ಎಂಬ ವಸ್ತುವಷ್ಟೆ.hmm gottirlilla hosavishya...

    ReplyDelete
  2. nam mysore nalliro gendaamrugana sottage enantaare?

    idu yaavaagloo smile maadtiruttalla?? super ...

    amele ...rhinos can scare most ferocious animals like lions ... sammanyavaagi avu rhino na attack maadolvante .... errr ... maadtirlilvanthe...

    ReplyDelete
  3. ಹೀಗೆ ಆದರೆ ನಿಮ್ಮ ಬ್ಲಾಗಿಗೆ ಬರಬೇಕು ಅವುಗಳ ಚಿತ್ರ ನೋಡಲು :(

    ReplyDelete
  4. [ಅಂತರ್ವಾಣಿ] ಹಾಗಾಗದಿರಲಿ.

    [ವಿಜಯಾ] Rhinoceros unicornis
    ಅಂತಾರೆ ಆ ಒಂದು ಕೊಂಬಿರುವ ಗೇಂಡಾಮೃಗಕ್ಕೆ.

    [ಭವ್ಯಾ] ವಿಜಯಾಳ ಕಮೆಂಟು ಓದು, ಇನ್ನೊಂದು ಗೊತ್ತಿಲ್ಲದಿರುವ ಮಾಹಿತಿ ಕೊಟ್ಟಿದ್ದಾಳೆ.

    ReplyDelete

ಒಂದಷ್ಟು ಚಿತ್ರಗಳು..