Saturday, December 22, 2007

ನಾನು ದೇವರಾಗಿಬಿಡುತ್ತಿದ್ದೆ..

ಇವೆಲ್ಲಾ ನನಗಿದ್ದಿದ್ದರೆ ನಾನು ದೇವರಾಗಿಬಿಡುತ್ತಿದ್ದೆ.

--> ಇರುವೆಯಷ್ಟು ಶಿಸ್ತು

--> ಗೋಸುಂಬೆಯಷ್ಟು ಹೊಂದಾಣಿಕೆ ಶಕ್ತಿ

--> ಎಂಪರರ್ ಪೆಂಗ್ವಿನ್‍ನಷ್ಟು ಶಿಶುಪ್ರೇಮ

--> ಜಿಗಣೆಯಷ್ಟು ಛಲ

--> ಆರ್ಕ್ಟಿಕ್ ಟರ್ನ್ ಅಷ್ಟು stamina

--> ಜೇನು ನೊಣದಷ್ಟು ಸ್ವದೇಶಪ್ರೇಮ

--> ಗೀಜಗನಷ್ಟು ತಾಳ್ಮೆ

--> ತಿಮಿಂಗಿಲದಷ್ಟು ಸಸ್ಯಾಹಾರಪ್ರೇಮ

--> ಕಾಳಿಂಗ ಸರ್ಪದಷ್ಟು ಚೆಲುವು

--> ಮೊಸಲೆಯಷ್ಟು ಶೌರ್ಯ

--> ಗಂಡು ಬ್ಲಾಕ್ ವಿಡೋ ಸ್ಪೈಡರ್ ತೋರುವಷ್ಟು ಒಲವು

--> ಮಂಡೂಕದಂತೆ ಸಂಗೀತಾಭ್ಯಾಸ ಮಾಡುವ ಹಟ

--> ಗೂಬೆಯಂತೆ ಯೋಗಾಸನ ಮಾಡುವ ಶಕ್ತಿ

- ಅ
22.12.2007
12.30PM

Thursday, December 06, 2007

ಮಿಮಿಕ್ರಿ ನಂಬರ್ ಒನ್

ಇತರರನ್ನು ಅನುಕರಿಸುವ ಶಕ್ತಿ ಕೇವಲ ಮನುಷ್ಯನಿಗೆ ಮಾತ್ರವಿಲ್ಲ. ಅನೇಕ ಪ್ರಾಣಿ ಪಕ್ಷಿಗಳೂ ಈ 'ಮಿಮಿಕ್ರಿ' ಕಲೆಯನ್ನು ಕರಗತ ಮಾಡಿಕೊಂಡಿವೆ.

ಅನೇಕ ಜನ ಕೇರೆ ಹಾವನ್ನು ನೋಡಿ ನಾಗರ ಹಾವು ಎಂದುಕೊಳ್ಳುತ್ತಾರೆ, ಹೆಡೆಯಿಲ್ಲದಿದ್ದರೂ ತನ್ನ ಪುಟ್ಟ ತಲೆಯನ್ನೇ ಹೆಡೆಯಂತೆ ಎತ್ತುವ ಇದರ ಮಿಮಿಕ್ರಿ ಕಲೆಯೇ ಇದಕ್ಕೆ ಕಾರಣ. ಗಿಣಿಗಳು ಮನುಷ್ಯರ ದನಿಯಂತೆ ಮಿಮಿಕ್ರಿ ಮಾಡುವುದನ್ನು ನಾವು ಟಿವಿಗಳಲ್ಲಿ, ಸಿನಿಮಾಗಳಲ್ಲಿ ನೋಡಿದ್ದೀವಿ. ಕಡ್ಡಿ ಹುಳು ತನ್ನ ಆತ್ಮ ರಕ್ಷಣೆಗಾಗಿ ಚೇಳಿನಂತೆ ತನ್ನ ಹಿಂಬಾಗವನ್ನೆತ್ತುವುದು ಕಾಡಿನಲ್ಲಿ ಸಾಧಾರಣ ದೃಶ್ಯ. ಕೋತಿಗಳೂ ಮನುಷ್ಯರ ನಡವಳಿಕೆಯಂತೆ ಒಮ್ಮೊಮ್ಮೆ ಮಿಮಿಕ್ರಿ ಮಾಡುತ್ತವೆ. ಆದರೆ ಇಲ್ಲೊಬ್ಬ ವಿಶೇಷ ವ್ಯಕ್ತಿಯಿದ್ದಾನೆ. ಈತನ ಹೆಸರು ಲೈರ್ ಬರ್ಡ್. ಸುಮಾರು ಇಪ್ಪತ್ತು ರೀತಿಯ ಪ್ರಾಣಿಪಕ್ಷಿಗಳ ದನಿಯನ್ನು ಅನುಕರಿಸಬಲ್ಲುದು. ಅಷ್ಟು ಮಾತ್ರವಲ್ಲದೆ ಬೇರೆ ವಿಶೇಷತೆಯೂ ಇದೆ. ಅದಕ್ಕೆ ಈ ವಿಡಿಯೋ ಕ್ಷಿತಿಜದೆಡೆಗೆ ಬಂದಿರುವುದು..




-ಅ
06.12.2007
7.15PM

ಒಂದಷ್ಟು ಚಿತ್ರಗಳು..