Wednesday, January 03, 2007

ಬ್ಯಾಡ್ ಲಕ್ ನೋಟು..


"ಇಪ್ಪತ್ತು ರೂಪಾಯಿ ನೋಟು ಇಟ್ಕೊಂಡಿದ್ಯೇನೋ.. ಮೊದಲು ಖರ್ಚು ಮಾಡು.." ಹೀಗೆಂದು ನಾನು ಸುಮಾರು ಒಂದು ವರ್ಷದಿಂದ ಹೇಳುತ್ತಿದ್ದೇನೆ ನನ್ನವರಿಗೆ.. Thanks to ಗುರುನಾಥ, ಇದನ್ನು ಅವನು ನನ್ನ ತಲೆಗೆ ತುಂಬಿ, ಈಗ ನಾನು ಎಷ್ಟರ ಮಟ್ಟಿಗೆ ಆಗೋಗಿದೀನಿ ಅಂದ್ರೆ, ಏನಾದರೂ ನನ್ನ ವಿರುದ್ಧ ನಡೆದರೆ, wallet ಅಲ್ಲಿ ಏನಾದರೂ ಇಪ್ಪತ್ತು ರೂಪಾಯಿ ನೋಟು ಇದೆಯಾ ಎಂದು ನೋಡಿಕೊಳ್ಳುವಂತೆ ಆಗಿದೆ. ಒಂದು ವೇಳೆ ಸಿಕ್ಕಿಬಿಟ್ಟರೆ, "ಬೋಳಿಮಗಂದು ಈ ನೋಟಿನಿಂದಲೇ ಇವತ್ತು ಲತ್ತೆ ಹೊಡೆದಿದ್ದು" ಎಂದು ಅದನ್ನ ಶಪಿಸಿ ನಾನು ನನ್ನ ಪಾಪದ ಬಿಂದಿಗೆಯನ್ನು ತುಂಬಿಕೊಳ್ಳುವಂತಾಗಿದೆ.

ರಿಸರ್ವ್ ಬ್ಯಾಂಕಿನಿಂದ ಸಔರ್‍ಕುಂಡಿ (ವಿಚಿತ್ರ ಹೆಸರು ಅಲ್ವಾ, ಇದರ ಅರ್ಥ ಹಿಮಾಚಲಿ ಭಾಷೆಯಲ್ಲಿ frozen lake ಅಂತ) ಚಾರಣಕ್ಕೆ ಬಂದಿದ್ದ ಮೈಸೂರಿನ ಚಾರಣಿಗರು ಎಲ್ಲಾ ನೋಟಿನ ಬಗ್ಗೆಯೂ ವಿವರಿಸುತ್ತಿದ್ದಾಗ ಈ ಇಪ್ಪತ್ತು ರೂಪಾಯಿಯ ಬಗ್ಗೆಯೂ ಹೇಳಿದರು. "ಈ ನೋಟು ಸ್ವಲ್ಪ ತೊಂದರೆ. ಇದರ ಬಣ್ಣ, ವಿನ್ಯಾಸ ಎಲ್ಲಾ ನಮ್ಮ ಕೆಲಸಕ್ಕೆ ತೊಂದರೆ ಮಾಡುತ್ತೆ.. Correction ಮಾಡೋದು ತುಂಬಾ ಕಷ್ಟ." ಎಂದಿದ್ದರು. ನಾನು ಆಗ ಡೀನ್‍ಗೆ, "ನೋಡ್ರೀ, ಈ ರಿಸರ್ವ್ ಬ್ಯಾಂಕಿನವರೇ ಹೇಳ್ತಿದ್ದಾರೆ, ಇಪ್ಪತ್ತು ರುಪಾಯಿ ನೋಟು ಸರಿ ಇಲ್ಲ ಅಂತ. ಅಂಥದರಲ್ಲಿ ನೀವು ಕಂತೆ ಕಂತೆ ಇಟ್ಟುಕೊಂಡಿದ್ದೀರಲ್ರೀ.. ನಿಮಗೆ ಅದಕ್ಕೆ ಬ್ಯಾಡ್ ಲಕ್ಕು.." ಎಂದು ಅವರ ಲಕ್ಕಿನ ಬಗ್ಗೆ ಏನೂ ಗೊತ್ತಿಲ್ಲದಿದ್ದರೂ ಹೇಳಿದ್ದೆ.

ಇಪ್ಪತ್ತು ರೂಪಾಯಿ ನೋಟು ಸಿಕ್ಕರೆ ಸಾಕು, ಅದನ್ನ ಮೊದಲು ಕಾಗೆ ಹಾರಿಸಿಬಿಡಬೇಕು.. ಅಂದರೆ, ಸಾಗ್‍ಹಾಕ್‍ಬೇಕು.. ಎಲ್ಲಾದರೂ ಖರ್ಚು ಮಾಡಿಬಿಡಬೇಕು. ಏನಾದರೂ ಕೊಂಡುಕೊಂಡು ಬಿಡಬೇಕು.. "ಈಗ ನೋಡ್ತಾ ಇರು, ನಾನು ಈ ಬೇಕರಿಯವನಿಗೆ ಇಪ್ಪತ್ತು ರುಪಾಯಿ ನೋಟು ಕೊಟ್ಟಿದೀನಿ.. ಇಷ್ಟು ರಷ್ ಇದೆ, ಇನ್ನು ಸ್ವಲ್ಪ ಹೊತ್ತಿನಲ್ಲೇ ಈ ಅಂಗಡಿ ಎಲ್ಲ ಖಾಲಿ ಆಗಿಬಿಡುತ್ತೆ.." ಎಂದು ಪಕ್ಕದಲ್ಲಿರೋರಿಗೆ ಒಂದು dialog ಹೊಡೆಯಬೇಕು. ನಮ್ಮ ದೇಶದಲ್ಲಿ ಯಾಕೆ ಹೇಳಿ ಇಷ್ಟೊಂದು ಸಮಸ್ಯೆಗಳು??? ಇಂಥಾ ಮೂಢನಂಬಿಕೆ ಇರೋರೇ ಜಾಸ್ತಿ ಅಂತೀರಾ? ಅಲ್ಲಲ್ಲಾ.. ಇಪ್ಪತ್ತು ರೂಪಾಯಿ ನೋಟನ್ನು ನಮ್ಮ ರಿಸರ್ವ್ ಬ್ಯಾಂಕು ಪ್ರಿಂಟ್ ಮಾಡುತ್ತೆ ನೋಡಿ, ಅದಕ್ಕೆ!!


- ಅ
03.01.2007
3AM

2 comments:

  1. Soooper kano :-)...
    Ninne naanu rashmi cake angadinalli ninthidvi ... yaaro obba ... change kottid thakshna 20rs note na vapas kottu ...eradu 10rs note kodi anda ... naanu avna mukha ne noDde ... yaaro namage gothiroro eno antha ... illa ... maybe avrigoo gothu ansutte ... 20rs bad luck antha.

    ReplyDelete
  2. ಹ ಹ ಹಾ.... ಒಬ್ಬರ ಆಹಾರ ಇನ್ನೊಬ್ಬರಿಗೆ ವಿಷ ಅಂತೆ......

    ನಂಗೆ ಇಪ್ಪತ್ತು ರೂಪಾಯಿ ನೋಟು ಬಹಳ ಅದೃಷ್ಟ ತರುತ್ತೆ..... :-)

    ReplyDelete

ಒಂದಷ್ಟು ಚಿತ್ರಗಳು..